"SEDRA"
Published on 06/13,2008
....
Ny sedra ange, sakaiza
na ho aiza ianao na ho aiza
tsy orana mitraho ahina hirotoroto
ka iomanantsika hanjairana sarotro...
na lefim-pahavalo
ahina hampimalo
hanevika ny fo, na hampitondra ratra
ka anefena ampinga ho fiarovan-tratra.
Fa donan-kerivaika
tampoka fiantraika
hitsapa ny hamafisan'ny fototra nalevina
sao tsy vodivato madonda sy matevina.
Fa afo mahamay
tsy re fiavy izay
hitsapa ireo akora amin ny fitselany
na tena volamena, na hosoka eto ivelany.
Ka raha tonga tampoka
ny sedra ka manampoka,
eo no andrefeso ny herinao anaty,
sao afona-mololo mirehitra dia maty
Na tanjaka am-panahy
mijoro tsy manahy :
Finoana lalim-paka tsy lefin-korohoro
Fa donim-pitsapana vao mainka koa mijoro.
RADO
Septambra 1993
06/13,2008, at 12:56
Visit ikalamako
Na misy aza sedra tsy maintsy setraiko
Manao hosivoanjo ny fiaina-maliako
Mainka hijoro ny fo sy ny saiko
Tsy maintsy mitohy ny kalom-balihako.
Rado 93 ihany io.
Mahereza !
06/13,2008, at 13:49
Visit simp
Tsara be
mbola ho avy ilay maraina...
... mahereza ee
06/13,2008, at 15:06
Visit Lalasoa
Marina izany, aorian'ny sedra no ahitana ny tena volamena!
"Fa potraka impito ny marina, nefa tafarina ihany"
06/13,2008, at 19:35
Visit pissoa
Tsara ilay tononkalo !
Dia tsara koa ny mikalo azy !
Mahereza :)
06/15,2008, at 15:18
Visit ravakamalala
ikalamako > nisalasala mihitsy aho hoe ito sedra ito ve no apetrako sa io tononkalo napetrakao io , "tsy misy " no lohatenin izy io. isan ny tena ankafiziko mihitsy ilay bokin i rado hoe sedra io.
simp sy lalasoa > misaotra anareo, soa tokoa fa tsy misy ririnina mandavan-taona izany e!
pissoa > m'saotra akia a, gaigy be io peta iray io ka, za aloha dia tena miala satroka amin ny fahaizany e! na ny teny ampiasainy, na ny style-ny tena samy tiako daholo
06/15,2008, at 15:19
Visit ravakamalala
pissoa > hihihi, "poeta" no tiako tenenina fa tsy "peta", tpt ...