Mibadabada miantso hoe : DADA
Tononkalo nosoratan i dadanay ho ahy. Manan-talenta izy io saingy indrisy fa noho ny amafin ny fiainany ve ? ... na izany aza , deraiko manokana satria ... dadako.
FANIRIANA
Tompo ô! Tena mamiko
Azafady mba hindramiko
Indro aho fa hivavaka
Ho an ny zanako : i Ravaka.
Manao ahoana, hono, izy?
Izy ange ka mbola ankizy e!
Azafady mba hiangaro.
Raha maditra anefa anaro.
Na dia zanaka tsy foy,
Tsy maninona, kapohy,
Nefa ataovy moramora
F'isan 'andro, isan' ora
Mila hitomany aho.
Koa miangavy, mitalaho :
Handefero kely ihany,
Aza avela hitomany
Sao marary be ny fony
Ka izaho dia tsy ho tony
Fa hitomany hiaraka aminy
Nefa izay no zava-maminy.
Nefa fantatro f'izao :
FITIAVANA Ianao.
Ka tsy hamela azy ho irery
Na hamely azy ho very.
Ny angatahiko dia izao :
Aoka hotantananao
Amin ny lalana hodiaviny.
Ka ny zavatra tadiaviny
Sy izay mba mety ho maminy,
Aoka ho tanteraka aminy.
Raha very, aza afoy
Raha marary, mba tsaboy.
Malahelo, ampifalio,
Very lalana avilio.
Aoka ho hendry ka hivoatra,
Raha mahay hahay hisaotra.
Ny angatahiko amin i Ravaka
Tsy hitsahatra mivavaka
Fa tsy very hatramin 'izao
Izay miaraka Aminao.
Ny ahy dia fanirian' adala
Fa Ianao no mahalala
Ka mitantana ny diany
Amin izay rehetra iriny.
Fara-teniko dia izao :
Tompo ô! Misaotra Anao
Tsy anay ny safidy
Na ho mamy na mangidy.
Ny anay dia FANIRIANA
Ny anay dia fiangaviana.
Fa n'inona atolotrao
Dia isaoranay Anao.
DADA
(19/07/05)
04/26,2006, at 02:47
Visit ravakamalala
Maninn aza zah raha mba manantalenta ohatran dadanay? tttsss...
Ny tena gravy be amin io tonkalo io dia ilay hoe :
"Raha maditra anefa anaro.
Na dia zanaka tsy foy,
Tsy maninona, kapohy,"
kapok' Andriamanitra izany ve tsy aharary?
04/26,2006, at 02:56
Visit Hery
Tena manan-talenta marina i dadanareo. Tsara be ilay izy. TSy mitomany foana ve ianao isaky ny mamaky an'io? :-)
Zah aza ato velon-tsento.
04/26,2006, at 02:58
Visit pissoa
Ntsonale e! Tiako be raha izaho kou no hanoratan'i dadako tononkalo, hihihi!
Fa i Ravaka kosa e, misy tohiny anie io lazain-dry io e:"Nefa ataovy moramora" ... kapoka moramora izany ve haharary?
04/26,2006, at 04:13
Visit lapino
Za zao sahy mifanamby, fa efa vita sora-kaliana, voapetaka amina takela-kazo misy cadre io tononkalo io, ary mihantona amin'ny rindrina manaingo ny tranon'i ravakamalala! :)
Tsara be ilay tononkalo
04/26,2006, at 04:50
Visit ravakamalala
hery > danz be mihitsy sady am zay efa 5 taona aho zay tsy nahita aza.
pissoa > haha, ndry ty an! kapohako moramora eo fa ataovy.
04/26,2006, at 05:20
Visit pissoa
Hihihi, ozizy le zandriko lahy kely izay rehefa mba nikapoka azy aho hoe "Ny kapokinjy anie tsy mankarary ahy akory fa mampangidihidy e" :D
04/26,2006, at 07:07
Visit jentilisa
Tsotra sady tsara
04/27,2006, at 00:27
Visit ravakamalala
lapino, jentilisa > misaotra